Hulda Björnsdóttir Gk 11

                                             Hulda Björnsdóttir Gk 11 skömmu fyrir brottför til Islands mynd Armon 

Nýr ís­fisk­tog­ari Þor­bjarn­ar hf. í Grinda­vík, Hulda Björns­dótt­ir GK-11, er vænt­an­leg­ur til hafn­ar í byrj­un næstu viku, seg­ir Gunn­ar Tóm­as­son fram­kvæmda­stjóri Þor­bjarn­ar í sam­tali við Morg­un­blaðið.

Tog­ar­inn er 58 metra lang­ur og 13,6 metra breiður, smíðaður hjá Armon í Gijón á Spáni og fær nafn sitt frá Huldu Björns­dótt­ur, móðir Gunn­ars, sem stofnaði fyr­ir­tækið ásamt eig­in­manni sín­um Tóm­asi Þor­valds­syni. Þor­björn ger­ir þegar út tog­ara sem ber nafn hans, Tóm­as Þor­valds­son GK-10. Mun því brátt sinn tog­ar­inn hvor bera nafn þeirra hjóna.

Sér­lega spar­neytið skip

Gunn­ar seg­ir að við hönn­un skips­ins hafi verið lögð rík áhersla á að draga úr orku­notk­un.

„Hug­mynd­in er að vera með 2.380 KW hæg­genga aðal­vél, öfl­ug­an gír og niður­færslu niður í stóra skrúfu sem er 5 metr­ar í þver­mál. Bæði stærð og snún­ings­hraði skrúf­unn­ar verður minni en áður hef­ur þekkst í skip­um af sam­bæri­legri stærð. Skipið verður því sér­lega spar­neytið og kem­ur til með að vera í hópi spar­neytn­ustu skipa í þess­um flokki,“ út­skýr­ir Gunn­ar.

Hann seg­ir aðspurður að skipið verði gert út á ís­fisk­veiðar og geti þá dregið tvær botn­vörp­ur sam­tím­is.

„Skipið verður á bol­fisk­veiðum með megin­á­herslu á þorsk. En skipið sjálft er hannað þannig að auðvelt er að breyta því yfir í frysti­tog­ara. Skipið verður fyrst og fremst á fersk­fisk­veiðum,“ seg­ir Gunn­ar.

Hann seg­ist reikna með að skipið fari í fyrstu veiðiferðina fljót­lega eft­ir kom­una til lands­ins og 14 til 15 manns verða í áhöfn.

Línu­út­gerðin hætt­ir

Aðspurður seg­ir hann að fyr­ir­tækið ætli al­farið að hætta að gera út línu­skip.

„Við erum bún­ir að fækka línu­skip­um okk­ar og í raun og veru er búið að leggja þeim öll­um. Þegar mest lét gerðum við út fimm línu­skip, á síðasta ári var það komið niður í eitt. Nú er búið að leggja síðasta línu­skip­inu,“ seg­ir Gunn­ar að lok­um.